Viðræður um makríl á árlegum haustfundi strandríkja hófust á þriðjudag í síðustu viku og verða teknar aftur upp á miðvikudag, en þeim var frestað á fimmtudag.

Fundurinn er haldinn í Lundúnum og til umræðu eru makríll, norsk-íslensk síld og kolmunni, en engir heildarsamningar eru í gildi um þessa stofna og hefur því hver strandþjóð fyrir sig ákveðið aflamark.

Haustfundurinn hófst á makrílumræðum með hliðsjón af stjórnun, ráðgjöf, veiðitölum og ramma fyrir vísindamenn, sem munu taka saman yfirlit um líffræðilega dreifingu og veiði úr stofninum.

Þrýstingur hefur verið á stjórnvöldum strandríkjanna um að semja um veiðar úr deilistofnum en stórir kaupendur uppsjávarafurða hafa ákveðið að gefa strandríkjum í norðausturhluta Atlantshafs þrjú ár til að tryggja að veiðar á makríl, síld og kolmunna verði innan vísindalegrar ráðgjafar.

Frétt af mbl.is

Strandríkin ræða stjórnun makrílveiða

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir