Sjálfbærar fiskveiðar Íslendinga og fullnýting afurða hér á landi var helsta umfjöllunarefni í fréttaskýringarþættinum Nous, les Européens (ísl. Við Evrópubúar) sem sýndur var í franska ríkissjónvarpinu í gærkvöldi á stöðinni France 2.

Þátturinn var að mestu leyti tekinn upp á Vestfjörðum síðastliðið sumar og er meðal rætt við ungan trillusjómann sem rær frá Suðureyri, stofnendur Dropa á Bolungarvík, frystihús HG í Hnífsdal heimsótt og hátæknifyrirtækið Kerecis á Ísafirði sótt heim.

Stikla úr þættinum hefur verið birt á vef franska ríkisútvarpsins og er þar fjallað um nýtingu Kerecis á þorskroði. Rætt við Pétur Oddsson sem brann mjög illa, 45% af líkamanum, er hann var við vinnu í tengivirki Orkubús Vestfjarða í Breiðadal í Önundarfirði, en töluvert af sáraroði Kerecis var nýtt við að meðhöndla brunasár Péturs.

Vakið athygli víða

Þetta er ekki í fyrsta sinn sem Kerecis vekur athygli dagskrárgerðarmanna en Werner Vogels, aðstoðarforstjóri Amazon, heimsótti höfuðstöðvar Kerecis á Ísafirði síðastliðinn vetur vegna þáttagerðar fyrir Amazon Prime.

Frétt af mbl.is

Fjallað um Kerecis á stöð Amazon Prime

Fullnýting sjávarafurða hefur verið eitt helsta viðfangsefni íslenskra sjávarútvegsfyrirtækja á undanförnum árum og mun sú áhersla halda áfram, enda mikið í húfi að gera eins mikið úr hverju kílói af fisk og hægt er.

Íslendingum hefur raunar tekist svo til að Íslenski sjávarklasinn er til að mynda að veita ráðgjöf um fullnýtingu bæði í Bandaríkjunum og á Kyrrahafseyjunum.

Frétt af mbl.is

Hugmyndin virkaði eins og vonir stóðu til

Tengdar fréttir

Nýsköpun og tækni í sjávarútvegi

Hugmyndafræði Sjávarklasans víða eftirsótt

• Rétt hugarfar hafi átt áhrif á heimsvísu
• Árangur Íslands skólabókardæmi um fullnýtingu
• Vinnslur gætu framleitt eigin sótthreinsiefni úr sjó
• Sjávarútvegurinn er drifinn áfram af gögnum

» Fleiri tengdar fréttir

• Blogga um frétt