Loðnumæling gengið vel og nýrrar ráðgjafar að vænta
Setja bókamerki
Hafrannsóknastofnun stefnir að því að gefa út nýja ráðgjöf vegna yfirstandandi loðnuvertíðar á næstu dögum. Rannsóknaskipin Árni Friðriksson og Bjarni Sæmundsson eru nú stödd norðvestur af landinu, en loðnuskipin Heimaey, Jóna Eðvaldsdóttir og Ásgrímur Halldórsson eru komin til hafnar.
„Heilt yfir hafa mælingarnar gengið vel og eftir áætlun og loðnu verið að sjá á víðáttumiklu svæði. Það sýnir sig því enn og aftur hversu hjálplegt það er að hafa fleiri skip en rannsóknarskipin tvö í þessum mælingum á þessum árstíma,“ svarar Guðmundur J. Óskarsson, sviðsstjóri uppsjávarsviðs Hafrannsóknastofnunar, spurður um gang loðnuleiðangursins.
Guðmundur segir rannsóknaskipin tvö halda áfram mælingum á þessu svæði eftir fyrirfram ákveðnum leiðarlínum í þeim mæli sem hafísinn leyfir. Gert er ráð fyrir að skipin komi til hafnar síðar í dag. „Við gerum svo ráð fyrir að fara aftur til loðnukönnunar Árna á norðvestursvæðinu í kringum 10. feb. með von um að eitthvað hafi skilað sér undan ísnum eða ísinn hopað,“ útskýrir hann.
Fimm skip létu frá bryggju 23. janúar og héldu til mælinga á loðnustofninum. Sem fyrr segir eru þrjú þeirra í eigu útgerða, en uppsjávarútgerðir stóðu sameiginlega undir kostnaðinum við úthaldi skipanna.
Guðmundur segir að nú verði hafist handa við að vinna sýni frá veiðiskipunum. „Úrvinnsla á gögnum úr leiðangrinum er komin á fullt, en auðvitað þurfa kvörðunarstuðlar og öll gögn frá Bjarna og Árna að liggja fyrir áður farið er í lokaútreikningana.“ Hann segir að gert sé ráð fyrir að ný ráðgjöf fyrir loðnu verði tilkynnt í þessari viku og þá í síðasta lagi á föstudag. „Ég sé ekki að það verði gefið eitthvað upp fyrir þann tíma því úrvinnsla og mögulegar samlagningar við fyrri leiðangra er tímafrek.“
Þá kveðst hann ekkert geta upplýst um loðnumagnið þar sem um stofnmælingu sé að ræða.
Arnar Þór hvergi nærri hættur
Kappræður setja strik í reikninginn
„Ekki við hæfi að blanda sér í umræðu um ritstjórn RÚV“
Jón hefur engar áhyggjur
Þolandi ofbeldisins frá Möltu
Ákall eftir forseta án tengsla við valdöfl og fjármálakerfi
Íslendingar þurfa að fullorðnast í varnarmálum