Vertíðinni lokið: 24 hvalir veiddir
Setja bókamerki
Hvalveiðivertíðinni er lokið. Hvalveiðiskipin Hvalur 8 og Hvalur 9 eru nú komin í land með þrjár langreyðar. Alls hafa þá 24 langreyðar verið veiddar á vertíðinni.
Þetta segir Kristján Loftsson, framkvæmdastjóri Hvals hf., við mbl.is.
Í gær var talið hugsanlegt að hvalbátarnir héldu til veiða á morgun, en nú er ljóst að ekki verður af þeirri ferð.
38 veiddust á sama tímabili í fyrra
Eins og margir muna þá ákvað Svandís Svavarsdóttir matvælaráðherra að setja á tímabundið hvalveiðibann í sumar. Hins vegar ákvað hún í ágúst að heimila hvalveiðar að nýju með ýmsum takmörkunum.
Því hefur þessi vertíð verið styttri en vanalega og stóðu veiðar aðeins yfir í 24 daga. Alls veiddust 148 hvalir á vertíðinni í fyrra en 38 hvalir veiddust aðeins í september í fyrra.
Veður hefur verið umhleypingasamt í mánuðinum og segir Kristján að það hafi gert það að verkum að ekki hafi náðst að sækja eins oft á miðin og seinast.
Ekki upplýst hverjir fengu tugi milljarða
Fugl fór í hreyfil vélar Icelandair á Alicante
Viðvörunarflautur óma og rýming að hefjast
Mun minni kjörsókn en í fyrri forsetakosningum
Um 800 manns á starfssvæðum Bláa lónsins
Eðlilegt að auka afkastagetu ÚNU
Rekstur flugvallarins með „hefðbundnum hætti“
/frimg/1/49/51/1495162.jpg)
Beint: Eldgos hafið á Reykjanesskaga