Tugir þúsunda hafa síðustu daga fylgst með Twitter-færslum um ferð Titanic sem fórst fyrir 100 árum síðan. Í einni af síðustu færslunni skrifar yfirmaður á skipinu sem komst af: „Okkur er sagt að við séum um 700. Það þýðir að um 1500 hafa farist.“

Færslurnar gefa innsýn inn í stemminguna um borð í Titanic í jómfrúarferð skipsins sem fékk svo hörmulegan endi. Í upphafi ferðar var talsverð spenna um hvort skipinu tækist að setja hraðamet. Skipverjar eru því að twitta um harða skipsins og hvenær sé líklegt að það komist á áfangastað.

Fjallað er um hvað sé í matinn og sagt er frá daglegum störfum áhafnarinnar. Hægt er að lesa um skeytin sem bárust frá nálægum skipum þar sem varað er við ísjökum á siglingaleiðinni.

Þegar skipið siglir síðan á borgarísjaka breytist hið þægilega andrúmsloft um borð upp í skelfingu. Í nótt mátti lesa um þegar björgunarbátarnir voru að fara frá skipinu og lýsingar á því þegar skipið fórst. Lýst er neyðarópum þeirra sem lentu í sjónum og hvernig þau þögnuðu smám saman. Þá er lýst þeirri sjón sem blasti við þegar Carpathia kom á svæðið og hóf að bjarga þeim sem voru á lífi.

Ferð Titanic

Tengdar fréttir

Titanic sökk fyrir 100 árum

Titanic-fiðlan seld á 174 milljónir

• Ætlar að smíða tvífara Titanic
• Öld frá því Titanic sökk
• Sigla þangað sem Titanic sökk
• „Titanic er að sökkva“

» Fleiri tengdar fréttir

• 1 blogg um fréttina

Bloggað um fréttina

• Viggó Jörgensson: Á skipinu voru 6 rifur alls rúmlega 1 fermeter að …