Skotárás í kirkju í Texas
Setja bókamerki
Talið er að allt að fimmtán manneskjur séu særðar eftir skotárás í Sutherland Springs, skammt frá borginni San Antonio í Texas.
Óstaðfestar fregnir herma að byssumaðurinn hafi verið skotinn til bana.
Maðurinn er sagður hafa gengið inn í kirkju babtista og hafið skothríð klukkan 11.30 að staðartíma.
Tveggja ára barn var á meðal þeirra sem særðust.
Vitni segja að hátt í 20 skotum hafi verið hleypt af í kirkjunni.
Uppfært kl. 19.48:
Talið er margir hafi látist í árásinni.
Árásarmaðurinn er sagður hafa gengið inn í kirkjuna á meðan á morgunmessu stóð og hafið skothríðina en um fimmtíu manns sækja messuna að jafnaði.
Rétt rúmur mánuður er liðinn síðan 58 manns voru skotin til bana í Las Vegas. Rúm tvö ár eru liðin síðan hvítur þjóðernissinni, Dylann Roof, gekk inn í kirkju sem nánast eingöngu svartir sækja í Charleston í Suður-Karólínu og skaut níu manns til bana.
„Við biðjum fyrir þeim sem lentu í þessu illskuverki,” sagði Greg Abbott, ríkisstjóri Texas á Twitter. „Við þökkum lögreglunni fyrir skjót viðbrögð.”
„Þær áttu bara að læra sína lexíu“
Alþjóðlegi sakamáladómstóllinn vill handtaka Netanjahú
Gegnum lykilhlutverki fyrir NATO
„Söguleg óvirðing sem gleymist aldrei“
Haustbragur í maí: Snjókoma fyrir norðan
Eldvörpin byrjuð að gefa eftir
Kjörseðlar kláruðust: Aðsókn meiri en áætlað var
Óljóst hvort þyrlan sé fundin