Norður-Kórea samþykkir viðræður
Setja bókamerki
Norður-Kórea hefur samþykkt að taka þátt í viðræðum við suðurkóreska ráðamenn í næstu viku. Fundurinn verður haldinn 9. janúar og þar verður lögð áhersla á að finna leið til að norðurkóreskir íþróttamenn geti tekið þátt í Vetrarólympíuleikunum sem verða haldnir í Suður-Kóreu í febrúar.
Kim Jong-un, leiðtogi Norður-Kóreu, sagði fyrr í vikunni að það væri „gott tækifæri til að sýna samstöðu almennings,“ að senda fulltrúa landsins á Ólympíuleikana.
Talið er að fundurinn verði haldinn í Panmunjom, sem er á landamærum Norður- og Suður-Kóreu, að því er BBC greinir frá.
Þetta verða fyrstu opinberu viðræður ráðamanna í Norður- og Suður-Kóreu síðan í desember 2015.
Moon Jae-in, forseti Suður-Kóreu, hefur talað um Vetrarólympíuleikana sem stórt tækifæri til að bæta tengslin á milli Kóreuríkjanna tveggja.
Sumir hafa reyndar bent á að þátttaka Norður-Kóreu í viðræðunum gæti haft áhrif á þátt Bandaríkjanna í friðarviðræðum.
Aðrir hafa lýst yfir efasemdum um mikilvægi viðræðnanna.
James Mattis, varnarmálaráðherra Bandaríkjanna, greindi frá því í gær að fyrirhugaðar viðræður væru „niðurstaða alþjóðlegs þrýsting“ en bætti við að óvíst væri um áhrif þeirra til lengri tíma.
Óvenjuleg tilkynning: 19 í gæsluvarðhaldi
Of margir nemendur og ákall um hæft starfsfólk
Vangaveltur gengu lengra en innistæða var fyrir
740 milljón króna sígarettusmygl
Fjarskiptatæki um alla borg sprungu samtímis
Hætta vegna jarðfalls í sprungur metin töluverð
Eina leiðin var að fella björninn
Lögreglan leitar eftir myndefni í tengslum við andlátið