Baulað á Donald Trump í Davos

Donald Trump Bandaríkjaforseti í Davos í dag.
Donald Trump Bandaríkjaforseti í Davos í dag. AFP

Forseti Bandaríkjanna, Donald Trump, fékk heldur kaldar kveðjur þegar hann mætti til viðskiptaráðstefnunnar í Davos í Sviss í dag þegar hann réðist á fjölmiðla og sagði þá illgjarna og sakaði þá um að flytja falskar fréttir.

„Það var ekki fyrr en ég varð forseti að ég gerði mér grein fyrir því hversu lúalegir, hversu fyrirlitslegir, hversu illgjarnir og hversu falskir fjölmiðlar geta verið,“ sagði Trump og var þá baulað á hann en hundruð fundargesta voru í salnum.

Forsetinn lagði áherslu á það að þó hann vildi setja Bandaríkin í fyrsta sæti, og vísaði þar í helsta slagorð hans fyrir forsetakosningarnar árið 2016, þá þýddi það ekki að hann vildi að Bandaríkin stæðu ein á báti. 

Sagði hann að heimsbyggðin yrði þessa dagana vitni að endurreisn sterkra Bandaríkja þar sem velmegun ríkti. Bandaríkin væru opin fyrir viðskiptum við aðra og væru orðin samkeppnishæf á nýjan leik. 

Bandaríkin hefðu meira að bjóða fjárfestum en áður í kjölfar þess að hann varð forseti. Hann varaði hins vegar við því að ekki væri hægt að halda úti frjálsum og opnum viðskiptum ef sum ríki misnotuðu kerfið á kostnað annarra.

„Við styðjum fríverslun en hún þarf að vera sanngjörn og hún þarf að vera gagnkvæm. Bandaríkin munu ekki framar horfa framhjá ósanngjörnum viðskiptaháttum.“

Ræða Trumps í heild:

mbl.is

Bloggað um fréttina

Byggingastjórn - Húsasmíðameistari
Tek að mér byggingastjórn og uppáskrift húsasmíðameistara. Nýbyggingar, viðhald...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
Sumarhús til sölu...
Fallegt sumarhús í Biskupstungum til sölu. 55 fm á einni hæð, viðhaldslaus klæ...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
 
Framhald suðurland
Nauðungarsala
Uppboð Einnig birt á www.naudungarsolu...
Aðalskipulag
Tilkynningar
Breyting á Aðalskipulagi Dala...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagslíf
Staður og stund
Aflagrandi 40 Opin vinnustofa frá kl 9, ...