Segir King ekki stoltan af Trump

Steve Bannon, sem var einn helsti ráðgjafi Donald Trump, sagðist ...
Steve Bannon, sem var einn helsti ráðgjafi Donald Trump, sagðist fullviss að Martin Luther King hefði verið stoltur af forsetanum. AFP

Bernice King, dóttir mannréttindafrömuðarins Martin Luther King, hafnar alfarið fullyrðingum um að faðir hennar hefði verið „stoltur“ af Donald Trump Bandaríkjaforseta.

Steve Bannon, sem var einn af helstu ráðgjöfum Trumps, lét þessi orð falla í fréttaskýringaþættinum Newsnight á BBC. Sagði Bannon að King hefði verið sammála efnahagsstefnu forsetans.

Þessu er dóttir hans alfarið ósammála og sagði hún Bannon hafa „með hættulegum og villandi hætti hafa nýtt sér nafn föður“ síns, sem hefði þess í stað haft „verulegar áhyggjur“ af ástandi mála.

„Ef maður skoðar stefnumál Donald Trumps, þá myndi hver sem er – Martin Luther King – vera stoltur af honum og því sem hann hefur áorkað fyrir samfélag svartra og suðuramerískra Bandaríkjamanna,“ sagði Bannon í þættinum.

Þáttastjórnandinn dró þau orð hans í efa og spurði hvort hann teldi líklegt að King væri stoltur af Trump.

„Heldur þú ekki að Martin Luther King myndi segja, já hann er að finna störf fyrir unga svarta menn og konur,“ svaraði Bannon og kvað atvinnuleysi í Bandaríkjunum aldrei hafa verið minna. Laun verkafólks væru farin að hækka og „loks væri búið að stöðva straum ólöglegra erlendra verkamanna“ sem keppi um störfin og „eyðileggi skóla og heilsugæslu“.

Hefði aldrei att einum hóp gegn öðrum

Bernice King, sem er stjórnandi King miðstöðvarinnar, sagði á Twitter að sú hugmynd að faðir hennar hefði stutt Trump horfa fram hjá mörgum helstu gildum hans.

Þar er „fullkomlega horft framhjá trúfestu pabba í garð þess að komið sé fram við fólk af öllum kynþáttum og þjóðernum af virðingu,“ sagði hún.

„Áhyggjur föður míns voru hnattrænar, ekki svæðisbundnar. Hann var aktívisti fyrir mannréttindi svartra í Bandaríkjunum, en hann var líka aktívísti fyrir mannréttindum.“

Martin Luther King hefði þannig  aldrei notað „niðurlægjandi“ lýsingar á borð við „ólöglegur innflytjandi“ og að hann hefði aldrei att einum hópi gegn öðrum í baráttunni fyrir réttlæti“ eins og Bannon telji að hann hefði gert.

„Andrúmsloftið sem leiðtogar hafa skapað hefði valdið föður mínum miklum áhyggjum,“ sagði hún. „Þeir hafa hvatt fólk til að tjá auðveldega og sýna grimmd, aðallega gagnvart lituðu fólki og innflytjendum.“

mbl.is
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
fágætar bækur til sölu
ti lsölu nokkrar fágætar bækur Fjórir leikþættir eftir Odd Björnsson með teik...
Rotþrær - heitir pottar og jarðvegsílát
Rotþrær, heitir pottar og jarðgerðarílát Rotþrær - heildarlausnir með leiðbeinin...
Sumarhús- Gestahús- Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...