„Linur“ dómari rekinn
Setja bókamerki
Dómari í Bandaríkjunum, sem var harðlega gagnrýndur fyrir linkind sem hann sýndi í garð nauðgarans Brock Turner fyrir tveimur árum, hefur verið vikið úr embætti eftir kosningu.
Aaron Persky dæmdi Turner í hálfs árs fangelsi en hann nauðgaði meðvitundarlausri konu árið 2015. Ákæruvaldið hafði farið fram á sex ára fangelsi yfir honum en Persky sagðist við dómsuppkvaðningu hafa áhyggjur af því hvaða áhrif fangelsisdvölin hefði á Turner.
/frimg/8/89/889861.jpg)
Ríkisdómarar í Kaliforníu eru kosnir til embætta sinna og ef nógu margir skrifa undir beiðni þess efnis að þeir skuli reknir úr starfi verður kosið um málið.
Slíkar kosningar eru afar sjaldgæfar en þetta er í fyrsta skipti sem dómara í Kaliforníu er vikið úr embætti á þennan átt í meira en 80 ár.
„Aðgerðir hans eru svívirðilegar. Við viljum ekki tala um þær, við viljum losna við hann,“ kom fram frá hópi fólks sem barðist fyrir því að kosið yrði um hæfni Persky sem dómara.
Sjálfur lét Persky nýlega hafa eftir sér að hann sæi ekki eftir neinu í tengslum við mál Turner.
Turner var ákærður eftir að tveir fyrrverandi nemendur við Stanford-háskóla urðu vitni að kynferðisbrotinu í janúar árið 2015 þegar þeir voru á hjólum sínum skammt frá skólanum. Turner var 19 ára á þessum tíma.
Hann var fundinn sekur í þremur ákæruliðum í maí 2016. Turner afplánaði dóminn í fangelsi Santa Clara-sýslu í Kaliforníu. Í Kaliforníu afplána fangar venjulega helming refsingar sinnar og var hann því látinn laus eftir þriggja mánaða fangelsisvist.
Birtu ekki dóm yfir fyrrverandi forseta bæjarstjórnar
Glæpastarfsemi orðin mun skipulagðari
Óánægja er með áform um efnistöku
Davíð Viðarsson var skyndihugdetta
Eina leiðin var að fella björninn
Finnar og Svíar taka ekki á móti særðum frá Gasa