Trump: „Engar hindranir“

Frá leiðtogafundinum í Kanada í dag.
Frá leiðtogafundinum í Kanada í dag. Ljósmynd/Instagram-Merkel

Donald Trump Bandaríkjaforseti lagði til á leiðtogafundi G7 ríkjanna sem fór fram í Kanada að allir tollar og aðrar viðskiptahindranir milli ríkjanna yrðu felld niður. Aðrir fundargestir voru þessu ekki sammála og ekkert samkomulag náðist um tollamál.

Ákvörðun Trumps um að setja tolla á inn­flutn­ing á stáli og áli til Banda­ríkj­anna er umdeild og voru aðrir leiðtogar G7-ríkja afar óánægðir með þá ákvörðun. Auk þess voru leiðtogarnir ósátt­ir við ein­hliða ákvörðun Trump um að slíka sam­komu­lag­inu við Íran. 

Bandaríkjaforseti sagði að fundi loknum í dag að viðræðurnar hefðu verið „mjög árangursríkar“ þrátt fyrir mikla spennu meðal leiðtoganna. Aðrir leiðtogar G7-ríkja hafa ekki tjáð sig um hugmynd Trumps, þó Angela Merkel, kanslari Þýskalands, hafi birt mynd á Instagram-síðu sinni sem þykir segja meira en mörg orð:

Donald Trump yfirgaf fundinn snemma í dag.
Donald Trump yfirgaf fundinn snemma í dag. AFP

„Engir verndartollar, engar hindranir. Þannig ætti það að vera. Engar niðurgreiðslur. Ég sagði meira að segja „enga verndartolla“!“ sagði Trump þar sem hann lýsti fundinum.

Hann sagði að Bandaríkin hefðu staðið höllum fæti gagnvart öðrum meðlimum G7 og að viðskiptasamningar séu þeim óhagstæðir. Auk þess lýsti hann Bandaríkjunum sem „sparibauk sem allir ræna“.

Trump yfirgaf fundinn snemma þar sem hann er á leið til Singapúr þar sem hann mun eiga fund með leiðtoga Norður-Kór­eu, Kim Jong-un á þriðju­dag.

mbl.is

Bloggað um fréttina

veggklukka antik veggklukka
er með flotta veggklukku með mjúkum og þægilegum slætti á12,000 kr sími 869-279...
RAFVIRKI
ALHLIÐA RAFLAGNIR EKKERT VERKEFNI ER OF SMÁTT Haukur Emilsson Simi 853 1199...
Vönduð vel búin kennslubifreið
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...