Yfir 920 þúsund manns þurftu að flýja húsnæði sitt í Sýrlandi á fyrstu fjórum mánuðum þessa árs vegna stríðsins þar í landi. Fjöldinn hefur aldrei verið meiri frá því stríðið hófst fyrir sjö árum, að sögn Sameinuðu þjóðanna.
„Það hefur verið gríðarlega mikið um fólksflótta í Sýrlandi. Frá janúar til apríl bættust 920 þúsund manns í hópinn,“ sagði Panos Moumtzis, starfsmaður Sameinuðu þjóðanna.
„Síðan stríðið hófst hafa aldrei fleiri þurft að flýja heimili sín á þessum skamma tíma,“ bætti hann við.