Mikill eldur logar í skóglendi við Kristdala skammt frá Oskarshamn í Svíþjóð. Fjölmennt lið slökkviliðsmanna er á vettvangi og hafa þyrlur verið notaðar til að dæla vatni á logana. Um fjögurra hektara svæðið hefur orðið eldinum að bráð.
Tilkynning um eldinn barst um kl. 13 að sænskum tíma (kl. 11 að íslenskum tíma) að því er segir á vef sænska ríkisútvarpsins.
Eldurinn var búinn að dreifa sér verulega þegar slökkviliðsmenn komu á vettvang. Nú er unnið að því að hefta útbreiðsluna. Aðstæður eru erfiðar, gróðurinn þurr, mikill raki í loftinu og nokkuð hvasst.
Svæðið er hins vegar ekki þéttbýlt og engin mannvirki eru í hættu að því er segir á vef sænska ríkisútvarpsins.
Almenningur hefur hins vegar verið upplýstur um stöðuna og lögreglan í viðbragðsstöðu þurfi að rýma einhver svæði vegna ástandsins.
Setja bókamerki
„Söguleg óvirðing sem gleymist aldrei“
„Þær áttu bara að læra sína lexíu“
Lögregla hafi hvatt til afturköllunar kæru
Katrín efst í nýrri könnun Prósents
Halla: Líkti Ólafi Ragnari ekki við Robert Mugabe
Kjörseðlar kláruðust: Aðsókn meiri en áætlað var
„Okkur mun ekki bregða“
Alþjóðlegi sakamáladómstóllinn vill handtaka Netanjahú