SÞ gagnrýna dönsku „gettó-lögin“

Danska lögreglan að störfum í Kaupmannahöfn. Breytingar á innflytjendalöggjöf landsins ...
Danska lögreglan að störfum í Kaupmannahöfn. Breytingar á innflytjendalöggjöf landsins fela m.a. í sér tvöföldun refsinga gegn brotum sem eru gerð í fátækrahverfum landsins. AFP

Mannréttindastjóri Sameinuðu þjóðanna hefur áhyggjur af svokölluðum „gettó-lögum“, breytingum á innflytjendalöggjöf Danmerkur, sem byrja að taka gildi á næsta ári. Lögin kveða meðal annars á um að börn innflytjenda fái kennslu í dönskum siðum.

Russia Today greinir frá en þar segir að lögin valdi Zeid Ra'ad Al Hussein, mannréttindastjóra Sameinuðu þjóðanna, hugarangri og setti hann fram gagnrýni á nýju lögin á Twitter-aðgangi mannréttindaráðs Sameinuðu þjóðanna.

Meðal þess sem lögin hafa í för með sér er að börn innflytjenda frá eins árs aldri verði tekin í 25 klukkustundir á viku frá fjölskyldum sínum og þau skóluð í dönskum siðum og gildum. Slík kennsla felst meðal annars í fræðslu um páska og jól auk dönskukennslu. Verði foreldrar barnanna ekki við fyrirmælunum gætu þau misst rétt sinn til félagslegra greiðslna.

Í frétt RT segir að mannréttindaráð SÞ telji lögin ýta frekar undir mismunun gegn fólki af erlendum uppruna og jaðarsetji það frekar. Hin umdeildu lög fela jafnframt í sér tvöföldun refsinga gegn glæpum sem framdir eru í fátækrahverfum í Danmörku.

Umfjöllun New York Times um „gettó-lögin“

mbl.is
Vöruúrval fyrir fagurkera
Vöruúrval fyrir fagurkera Húsgögn - Gjafavörur, B&G postulín matar- og kaffistel...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
VILTU VITA HVAÐ ER FRAMUNDAN ?
Spái í bolla og tarot- þeir sem farnir eru segja mer um framtíð þína. Timap. s. ...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 61...