Norska sumarið hefur verið einstaklega heitt en í dag búa Norðmenn sig undir að hitamet verði slegin. Búist er við því að hitinn fari yfir 34 gráður víðs vegar um landið. „Það eru um helmingslíkur á að metið verði slegið,“ segir veðurfræðingurinn Eldbjørg Moxnes, um landsmetið, 35,6°C, sem staðið hefur óhaggað í 48 ár eða frá því 20. júní árið 1970. Hún segist þó ekki verða undrandi ef metið fellur.
Hins vegar er talið fullvíst að upp sé að renna heitasti dagur ársins í Noregi. Sá heitasti hingað til í sumar var 26. júní en þá mældist hitinn í Sigdal 33,8 gráður.
Hitabylgjan er að mati veðurfræðingsins Bente Wahl til merkis um loftslagsbreytingar sem eru að eiga sér stað. Á þetta eru ekki allir vísindamenn sáttir og norska ríkisútvarpið hefur eftir Marianne Tronstad Lund, sem starfar hjá Cicero-stofnuninni, að einstök heit sumur sem þessi sé ekki endilega vísbending um hlýnun jarðar.
Norska veðurstofan varar landsmenn við því að sterk útfjólublá geilsun verði í dag. „Munið að fara annað slagið í skuggann,“ segir í færslu hennar á Twitter.
I morgen snuser vi kanskje på rekordvarme i flere fylker i den sørlige delen av landet vårt 🌡️ Da er det kjekt med en oversikt over de gjeldende toppverdiene! Kartet viser all-time fylkesrekorder for høyeste maksimumstemperatur i #SørNorge. pic.twitter.com/SD2ekE70Nw
— Meteorologene (@Meteorologene) July 26, 2018
Moderat til sterk UV-stråling i store deler av #Norge i dag! Da er det viktig å beskytte både øyne og hud når du er ute, og husk å ta pauser i skyggen ⛱️ Hold deg oppdatert på daglige UV-verdier på: https://t.co/zAL0CHfktT pic.twitter.com/lUKraYC7F5
— Meteorologene (@Meteorologene) July 27, 2018