„Ég heyrði þetta ekki“

Vladimir Pútín.
Vladimir Pútín. AFP

Rússnesk stjórnvöld neita því sem fram kemur í æviminningum Francois Hollande, fyrrverandi forseta Frakklands, að Vladimír Pútín Rússlandsforseti hafi hótað að „gjöreyða“ úkraínskum hermönnum.

Ásakanirnar tengjast orðaskiptum milli Pútín og Petro Poroshenko Úkraínuforseta þegar friðarviðræður voru haldnar í Minsk árið 2015.

„Nokkrum sinnum hitnaði í kolunum milli Poroshenkos og Pútíns en sá síðarnefndi varð skyndilega pirraður og hótaði því að gjöreyða hermönnum viðmælanda síns,“ skrifaði Hollande í bók sinni Lessons of Power.

„Þarna viðurkenndi Pútín að hersveitir hans væru í austurhluta Úkraínu. Hann tók því ummæli sín strax til baka,“ kemur enn fremur fram í bókinni.

Dmitry Peskov, talsmaður stjórnvalda í Kreml, segist ekki hafa heyrt að Pútín hafi látið áðurnefnd ummæli falla. 

„Ég var viðstaddur nánast alla fundina. Ég heyrði þetta ekki,“ sagði Peskov og bætti því við að hann hefði ekki lesið bókina.

mbl.is
Nissa Leaf til sölu..
Til sölu Nissan Leaf Tekkna árg. 2016. 30 kw, dökkblár, leiðurklæddur, myndavél...
VELLÍÐAN OG DEKUR.
Stress er þáttur í daglegu lífi. slökun og meðferð við stressi- áralöng reynsl...
KRISTALS LJÓSAKRÓNUR í Glæsibær
Glæsilegar kristalsljósakrónur fyrir falleg heimili. Handskornar kristalsljósak...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...