Vara við saumnálum í jarðarberjum

Saumnálar hafa fundist faldar í jarðaberjum í nokkrum matvöruverslunum í ...
Saumnálar hafa fundist faldar í jarðaberjum í nokkrum matvöruverslunum í Ástralíu. mbl.is/Golli

Heilbrigðisyfirvöld í Ástralíu hvetja fólk nú til að skera jarðarber í sundur áður en þeirra er neytt, eftir að nokkur tilfelli komu upp þar sem saumnálar fundust faldar í berjunum.

Segir BBC að tilkynnt hafi verið um jarðarberjaöskjur með nálum í matvöruverslunum í New South Wales, Queensland og Victoria.

Einn maður þurfti aðhlynningar við á sjúkrahúsi eftir að hann borðaði jarðarber með nál innan í. Þá beit níu ára drengur í jarðarber með nál í en kyngdi bitanum ekki.

Nokkrar tegundir jarðarberja hafa nú verið teknar úr sölu og heilbrigðisyfirvöld hvetja þá sem kaupa jarðarber til að fara varlega.

Rannsókn hófst á málinu eftir að maður að nafni Joshua Gane greindi frá því á Facebook að vinur sinn hefði mátt þola verulegan sársauka í meltingarfærum eftir að hafa borðað jarðarber með nál í.

Skjáskot/Facebook
mbl.is
Skrifstofuhúsnæði til leigu.
Óskað er eftir leigjendum fyrir skrifstofuhúsnæði að Hverfisgötu 76, 101 Reykja...
Jöklar - Hús fyrir ferðaþjónustu
Jöklar hafa átt miklu fylgi að fagna frá því þau komu fyrst á sjónarsviðið, vori...
Nudd Nudd Nudd
Whole body massage Downtown Reykjavik S. 6947881...
fágætar bækur til sölu
til sölu nokkrar fágætar bækur Sjálfstætt fólk 1-2, frumútgáfur með kápum ...