Sagði barnaníðshring í þinghúsinu

Breska þinghúsið. Maðurinn fullyrti að barnaníðshringur væri starfræktur í þinghúsinu. ...
Breska þinghúsið. Maðurinn fullyrti að barnaníðshringur væri starfræktur í þinghúsinu. Mynd úr safni. AFP

Breskur karlmaður sem fullyrti að barnaníðshringur væri virkur í breska þinghúsinu í Westminster kom í dag fyrir dómara eftir að hafa verið ákærður fyrir að ljúga að lögreglunni. BBC greinir frá.

Fullyrðingar mannsins um að hann hefði sætt kynferðislegri misnotkun af hálfu hátt settra stjórnmálamanna, yfirmanna í hernum, leyniþjónustu og sjónvarpsþáttastjórnanda leiddu til rannsóknar lögreglu.

Þá fullyrti maðurinn að hann hefði orðið vitni að því er þáverandi þingmaður Íhaldsflokksins Harvey Proctor myrti ónefndan dreng.

Maðurinn, sem í dómskjölum er nefndur Nick, fullyrti að brotin gegn sér hefðu átt sér stað á áttunda og níunda áratug síðustu aldar. Ákæran gegn honum er í þrettán liðum og er hann ákærður fyrir að hindra framgang réttvísinnar, fyrir að ljúga að lögreglu og fyrir svik, en hann reyndi að fá greiðslur úr bótasjóði vegna málsins árið 2013.

Lundúnlögreglan rannsakaði fullyrðingar mannsins og fékk aðgerðin nafnið Operation Midland. Rannsókninni lauk í september á síðasta ári og leiddi hún til þess að Nick var ákærður.

mbl.is
FJÖLNOTAKERRUR _ STURTUKERRUR
Fjölnotakerrur, auðvelt er að koma bílum og vélum uppá, 4 til 6 metra langar. St...
Byggingastjórn - Húsasmíðameistari
Löggiltur byggingarstjóri, húsasmíðameistari og leigumiðlari Tek að mér: - ...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
KRISTALS LJÓSAKRÓNUR ÚTSALA er að byrja
Glæsilegar kristalsljósakrónur fyrir falleg heimili. ÚTSALA Handskornar kristal...