Beittu táragasi á gulvestunga

Níundu helgina í röð hafa þúsundir manna íklæddir gulum vestum farið á götur franskra borga til þess að mótmæla efnahagsaðgerðum Emmanuel Macron, forseta Frakklands. Reuters segir frá því að lögreglan í París hafi í dag beitt táragasi og úðað vatni á mótmælendur.

Mótmælendur kröfðust afsagnar forsetans og fylgdi mótmælunum mikill hávaði, en þau eru sögð hafa verið friðsæl. Er það andstætt hluta undanfarinna mótmæla sem hafa haft í för með sér eignaspjöll og ofbeldi.

Lögreglan í París hafði óttast að óeirðir yrðu í dag og lokuðu fyrir umferð inn í miðborgina.

Mótmælendur gengu meðal annars í gegnum Grand Boulevards þar sem margar verslanir eru, en það er nálægt þeim stað sem þrír létu lífið og 47 slösuðust í mikilli sprengingu vegna gasleka í morgun.

Um fimm þúsund mótmæltu í Bourges, þar sem um fimm hundruð tókst að ryðjast inn á lokað svæði í miðborginni og urðu nokkur átök við lögreglu. Tvö þúsund mótmæltu í Strassborg við Evrópuþingið.

Yfir 80 þúsund lögreglumenn voru á vakt í Frakklandi vegna mótmælanna, þar af fimm þúsund í París.

Táragasi beitt, Champs-Elysees í París.
Táragasi beitt, Champs-Elysees í París. AFP
Mótmælt í París.
Mótmælt í París. AFP
Mótmælendur í Bourges hlóðu upp hlutum og kveiktu í þeim ...
Mótmælendur í Bourges hlóðu upp hlutum og kveiktu í þeim til þess að hamla starfi lögreglunnar. AFP
Mótmælendur í Bourges ruddust inn fyrir lokanir lögreglu.
Mótmælendur í Bourges ruddust inn fyrir lokanir lögreglu. AFP
Mótmælendur í Bourges leituðu skjóls þegar lögreglan skaut að þeim ...
Mótmælendur í Bourges leituðu skjóls þegar lögreglan skaut að þeim táragashólkum. AFP





mbl.is
Einstakt sumartilboð - 14,44 fm Garðhús - kr. 375.900,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
Hyundai Tuscon 2007 til sölu
Vel með farinn, bensín, beinsk.. ek. 211 þús. km. Einn eigandi, búið að skipta ...
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...
Útsala!!! Kommóða ofl.
Til sölu kommóða 3 skúffú,ljós viðarlit..lítur mjög vel út.. Verð kr 2000. Einn...