Franski fáninn og evrópski í allar stofur

Ljósmynd/Franska sendiráðið í London

Franska þingið samþykkti í gær lög þess efnis að franski fáninn og Evrópufáninn skuli vera til staðar í hverri skólastofu auk textans við þjóðsöng ríkisins, La Marseillaise.

Tillagan var lögð fram af þingmanni hægriflokksins Repúblikana, en hún naut einnig stuðnings ríkisstjórnarinnar. Jean-Michel Blanquer menntamálaráðherra segist fagna lagabreytingunni. Hún verði tiltölulega einföld í framkvæmd og muni menntamálaráðuneytið leggja skólum til fé til fánakaupa.

Frumvarpið mætti andstöðu Vinstriflokksins, flokks Jean-Luc Mélenchon, fyrrverandi forsetaframbjóðanda. Fánarnir tveir blakta nú þegar utan við skólabyggingar og hefur franska blaðið L’Obs eftir Michel Larive, þingmanni flokksins, að það sé nægur virðingarvottur við föðurlandið án þess að því sé snúið upp í þjóðernishyggju.

Í sama streng tekur Elsa Faucillon, félagi Kommúnistaflokksins, sem segir atkvæðagreiðsluna drifna áfram af þeim sem vilji frekar „að umræðan snúist um sjálfsmynd en jafnrétti fólks“.

mbl.is
Volvo V70 1998 CROSS COUNTRY 4X4
Prútta ekki neitt með þetta verð. þarf að skipta um eina legu. xenon ljós. er á ...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...