Björgunarflugi hætt tímabundið

Hætt hefur verið að ferja farþega af skipinu í land ...
Hætt hefur verið að ferja farþega af skipinu í land með þyrlum í bili. AFP

Dregið hefur úr umfangi björgunaraðgerða vegna hættuástands sem skapaðist þegar farþegaskipið Viking Sky varð vélarvana við vesturströnd Noregs síðdegis í gær. Hefur skipstjórinn tekið ákvörðun um að ekki verði fleiri farþegar ferjaðir með þyrlum í land að minnsta kosti tímabundið, að því er fram kemur í umfjöllun NRK.

Er ákvörðun skipstjórans sögð stafa af því að skipið sé nú á leið í land.

Af þeim 1.373 sem voru í skipinu hefur 463 verið komið í land. Þá voru 17 farþegar sem slösuðust fluttir á sjúkrahús til aðhlynningar. Flest tilfelli voru minni háttar, en þrír hlutu alvarlega áverka. Þyrla frá danska hernum tók þátt í aðgerðum.

Þrátt fyrir erfiðar aðstæður tókst í morgun að byrja að draga Viking Sky að höfn Molde með aðstoð dráttarbáta. Siglir skipið þó aðeins á þremur hnútum.

Vegna aftakaveðurs í gær og í nótt reyndist erfitt að tryggja festingar svo hægt yrði að aðstoða skipið með að komast úr þeim aðstæðum sem það var í.

Sveitarstjóri á Fræna, Jan Arve Dyrnes, sagði á blaðamannafundi í morgun að vonað sé að skipið verði bráðum komið í rólegri sjó sem myndi einfalda allar aðgerðir til muna.

mbl.is
Toyota Corolla 2005
Til sölu, ekinn um 176.000 km. Þokkalegt eintak. Sumar og vetrardekk. Næsta skoð...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
Bókhald
Bókari með reynslu úr bankageiranum og vinnu á bókhaldsstofu, getur tekið að sér...