Trump óskar Netanyahu til hamingju
Setja bókamerki
Donald Trump, forseti Bandaríkjanna, segir kosningasigur Netanyahu auka líkurnar á því að áætlun Bandaríkjanna um að skapa frið milli Ísraels og Palestínu eigi frekar möguleika á að ganga eftir með Netanyahu við stjórnvölinn.
„Ég vil óska Bibi Netanyahu til hamingju,“ sagði Trump á fundi með fjölmiðlafólki í dag eftir að ljóst var að niðurstöður þingkosninganna gera Netanyahu að öllum líkindum kleift að mynda nýja ríkisstjórn til hægri.
Friðaráætlunin felur í sér svokallaða tveggja ríkja lausn, það er að stofnað verði sjálfstætt ríki í Palestínu. „Allir segja að friður sé ómögulegur í Mið-Austurlöndum milli Ísraels og Palestínu. Ég held að það sé mögulegt og ég held að líkurnar séu betri núna,“ sagði Trump.
Trump hefur verið hliðhollur Netanyahu í forsetatíð sinni, ekki síst með því að viðurkenna Jerúsalem sem höfuðborg Ísraels. Nýverið undirritaði hann svo yfirlýsingu þar sem fram kemur að Bandaríkin viðurkenni Gólanhæðir sem hluta af Ísrael.
Lögreglan leitar eftir myndefni í tengslum við andlátið
Birtu ekki dóm yfir fyrrverandi forseta bæjarstjórnar
Búið að fella björninn
Hætta vegna jarðfalls í sprungur metin töluverð
Gerðu umfangsmiklar loftárásir á Líbanon
Komu saman á kyrrðar- og bænastund
Finnar og Svíar taka ekki á móti særðum frá Gasa