Að minnsta kosti 28 manns eru látnir eftir að rúta með ferðamönnum fór út af veginum og valt á portúgölsku eyjunni Madeira.
BBC greinir frá þessu.
Alls voru 50 manns um borð í rútunni. Þýska blaðið Bild greinir frá því að níu þýskir ferðamenn hafi verið á meðal þeirra sem létust.
Slysið varð klukkan 18.30 að staðartíma þegar ökumaður rútunnar missti stjórn á henni við vegamót.
„Ég get ekki lýst því með orðum sem gerðist,“ sagði Filipe Sousa, borgarstjóri Santa Cruz, gjörsamlega miður sín við stjónvarpsstöðina SIC TV. Hann bætti við að allir ferðamennirnir um borð í rútunni hafi verið þýskir.
21 til viðbótar særðist í slysinu.
Í myndbandi sem var sýnt í sjónvarpinu sást þegar rútan fór út af veginum, valt og lenti á húsi neðst í brekkunni.
At least 28 tourists have been killed in a bus crash in Madeira, local media reporthttps://t.co/x9hCBRXkBb pic.twitter.com/G4cT0yYGHh
— ITV News (@itvnews) April 17, 2019