Rafmagnslaust er með öllu í Argentínu og Úrúgvæ vegna mikillar rafmagnsbilunar sem þar varð í morgun.
Einnig hafa borist fregnir af því að rafmagn hafi farið af á svæðum í Brasilíu og Paragvæ, að því er BBC greindi frá.
„Stór bilun varð í kerfinu sem sér um rafmagnstengingar sem varð til þess að rafmagnslaust varð í Argentínu og í Úrúgvæ,“ sagði orkufyrirtækið Edesur í tísti á Twitter en rafmagnið fór af klukkan 7 að staðartíma.
Una falla masiva en el sistema de interconexión eléctrica dejó sin energía a toda la Argentina y Uruguay. Ampliaremos con más información. #SinLuz #CortedeLuz
— Edesur Argentina (@OficialEdesur) June 16, 2019
Samanlagður íbúafjöldi í Argentínu og Úrúvgæ er um 48 milljónir manna. Rafmagnleysið hefur meðal annars orðið til þess að lestir hafa stöðvast og umferðarljós hafa orðið óvirk.
Á samfélagsmiðlum bárust fregnir víða af rafmagnsleysinu, meðal annars frá höfuðborginni Buenos Aires í norðurhluta Argentínu, Mendoza í vestri og Comodoro Rivadavia í suðri.
Massive power cut hits all of Argentina and Uruguay, supplier says, affecting about 48m people https://t.co/XIKkL9ASlQ
— BBC Breaking News (@BBCBreaking) June 16, 2019