Joe Biden, fyrrverandi varaforseti Bandaríkjanna, var miðpunktur athyglinnar er önnur umferð kappræðna 10 forsetaframbjóðenda Demókrataflokksins fór fram í gær. Guardian segir keppinauta varaforsetans fyrrverandi hafa skipst á að reyna að koma höggi á Biden, sem hefur haft forystu í kapphlaupinu um tilnefningu flokksins.
Ólíkt því sem gerðist í Miami í síðasta mánuði, er hann átti í vök að verjast, var Biden að þessu sinni tilbúinn í slaginn.
Meðal þeirra sem tóku þátt í kappræðunum, sem sýndar voru í beinni á CNN, voru Kamala Harris, sem kom fjölda högga á Biden í Miami, Cory Booker sem Biden hefur lent saman við vegna réttarkerfisins, Kirsten Gillibrand, Michael Bennet, Julian Castro og Tulsi Gabbard.
Cory Booker: "The person that's enjoying this debate the most right now is Donald Trump, as we pit Democrats against each other while he is working right now to take away Americans' health care" #DemDebate https://t.co/fZNdFhVmBE pic.twitter.com/IPhDWygUy9
— CNN (@CNN) August 1, 2019
Líkt og í Miami beindist athyglin í fyrstu að heilbrigðismálum og leitaðist Harris við að verja heilbrigðisstefnu sem hún kynnti fyrr í vikunni.
Að sögn Guardian voru kappræðurnar nú vanstilltari en þær síðustu og þróuðust oft yfir í mjög persónulegar deilur um málefni á borð við innflytjendur, loftslagsbreytingar og samskipti ólíkra kynþátta. Var fortíð Bidens í pólitík ítrekrað dregin fram í kastljósið og náði hann að mestu að verjast.
Segir Guardian að kappræðurnar nú hafi að mörgu leyti verið prófsteinn á það mál sem hvíli hvað þyngst á Demókrataflokknum þessa stundina — hvort kosningabaráttan eigi að vera yfirgripsmikil umbótaherferð, eða hvort hún eigi að beinast að því máli einu að koma í veg fyrir að Trump sitji annað kjörtímabil á forsetastóli.