Fórnarlambið starfaði í kynlífsiðnaði

Grunur leikur á að maðurinn hafi fyrst skorið Dunn á ...
Grunur leikur á að maðurinn hafi fyrst skorið Dunn á háls í íbúðinni og síðan farið á götur miðborgar í Sydney þar sem hann ógnaði fólki með hníf og réðst á 41 árs gamla konu. Líðan hennar er stöðug. AFP

Konan sem fannst látin í íbúðarhúsi í miðborg Sydney í Ástralíu í gær hét Michaela Dunn og var 24 ára. Hún var skorin á háls. Ástralska lögreglan hefur staðfest að tengsl séu á milli láts Dunn og hnífaárásar í miðborginni í gær. 

Vopnaður maður, sem ástralskir fjölmiðlar nafngreina sem Mert Ney, var handtekinn, grunaður um báðar árásirnar. Kon­an sem fyr­ir hnífaárás­inni varð var flutt á sjúkra­hús og er ástand henn­ar sagt vera stöðugt.

Að sögn lög­reglu reyndi maður­inn að stinga fleiri og því sé um fleiri en einn glæpa­vett­vang að ræða. Á mynd­bands­upp­tök­um af at­vik­inu sést maður­inn hrópa „Alla­hu Ak­b­ar“ og „skjótið mig“. Þá sést hann hoppa upp á bíl og sveifla um sig hnífi á meðan ann­ar maður ræðst til at­lögu gegn hon­um vopnaður tága­stól.

At­vikið átti sér stað um tvöleytið síðdeg­is að staðar­tíma á fjöl­menn­um stað í miðborg­inni. Um hálftíma áður sást maðurinn fara inn í íbúð í nálægri götu og koma þaðan úr tuttugu mínútum seinna. 

Móðir Dunn minnist hennar sem fallegrar og elskulegrar ungrar konu. Dunn er fyrrverandi háskólanemi sem hefur ferðast víða, að sögn móðurinnar. Ástralskir fjölmiðlar greina frá því að Dunn hafi starfað í kynlífsiðnaðinum. Í kjölfarið hafa samtök starfsfólk í kynlífsþjónustu í Ástralíu sent frá sér yfirlýsingu þar sem segir að Dunn verði sárlega saknað. 

Konan sem lést í hnífaárás í íbúðarhúsnæði í miðborg Sidney ...
Konan sem lést í hnífaárás í íbúðarhúsnæði í miðborg Sidney í Ástralíu í gær hét Michaela Dunn. Hún var 24 ára, fyrrverandi háskólanemi, og starfaði í kynlífsiðnaði. AFP

Í yfirlýsingunni er athygli vakin á því að starfsfólk í kynlífsiðnaðnum sé oftar en ekki mismunað vegna starfs síns, en ætti að njóta sömu réttinda og verndar og fólk í öðrum starfsstéttum.

Frétt BBC

mbl.is

Bloggað um fréttina

Falleg íbúð á Keilugranda
Falleg 2ja herb. íbúð á Keilugranda til langtímaleigu frá 1. sept. Fyrir reyklau...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
3 leðurstólar dökkbrúnir
Vel með farnir leðurstólar til sölu. 33000.allir 3. Uppl.8691204 Garðabæ...
Húsaviðgerðir
https://www.husco.is/...