Haraldur Noregskonungur var lagður inn á Ríkisspítalann í Ósló í gær vegna svima. Í tilkynningu frá norsku konungsfjölskyldunni segir að veikindin séu ekki talin alvarleg og að konungurinn verði líklega útskrifaður af spítalanum fyrir helgi. 

Á mánudag stóð til að Haraldur yrði viðstaddur formlega opnun nýs olíuvinnslusvæðis en svo varð ekki og vakti það talsverða athygli. Í gærkvöldi greindi hirðin svo frá veikindum konungsins. 

Haraldur, sem er 82 ára, hefur gengist undir rannsóknir sem sýna að ekki er um alvarleg veikindi að ræða. Hann mun samt sem áður fara í tveggja vikna veikindaleyfi þegar spítalavistinni lýkur og mun Hákon krónprins gegna konunglegum skyldum föður síns á meðan.

Sonja drottning og Haraldur Noregskonungur við útför Ari Behn í dómkirkjunni í Ósló í síðustu viku. AFP

Tengdar fréttir

Kóngafólk

Katrín snúin aftur til starfa

• Meghan Markle var klippt út af afmælismynd
• Sonur krónprinsessunnar handtekinn aftur
• Harry prins verður fertugur um helgina
• Katrín hefur lokið við lyfjameðferð vegna krabbameins

» Fleiri tengdar fréttir

• Blogga um frétt