Írönsk stjórnvöld neita því staðfastlega að verið sé að hylma yfir raunverulega útbreiðslu kórónuveirunnar COVID-19 þar í landi, en borgarstjórnarfulltrúi í borginni Qom hefur sakað stjórnvöld um lygar og sagt raunverulegan fjölda látinna nærri 50.

Samkvæmt opinberum tölum íranskra stjórnvalda er tala látinna orðin 12, sem er hæsta tala látinna utan Kína, en skemmst er að minnast þess þegar írönsk stjórnvöld þögðu yfir því dögum saman að hafa óvart grandað úkraínskri farþegaflugvél í janúar, og efast því einhverjir um að verið sé að segja allan sannleikann varðandi útbreiðslu kórónuveirunnar í Íran.

Frétt af mbl.is

Truflun og tíu sekúndur kostuðu 176 mannslíf

Nágrannalönd Íran hafa lokað landamærum sínum að Íran af ótta við útbreiðslu veirunnar.

Segir af sér ef tölurnar standast

Ahmad Amirabadi Farahani, sem situr í borgarstjórn heilögu borgarinnar Qon, segir að alla vega 50 hafi látist af völdum kórónuveirunnar í borginni og sakar írönsk stjórnvöld um lygar.

Frétt af mbl.is

Loka landamærum sínum að Íran

Írönsk stjórnvöld neita ásökuninni og segjast hafa óskað eftir lista með nöfnum þeirra sem látist hafa af völdum veirunnar í Qon. „Ef fjöldi þeirra er helmingur eða jafnvel bara fjórðungur þessarar tölu, segi ég af mér,“ sagði staðgengill heilbrigðisráðherra Írans, Iraj Harirchi, í yfirlýsingu.

Tedros Adhanom, yf­ir­maður Alþjóðaheil­brigðismála­stofn­un­ar­inn­ar (WHO), segir mikla fjölgun tilfella COVID-19 á Ítalíu, í Suður-Kóreu og Íran mikið áhyggjuefni.

Samkvæmt opinberum tölum íranskra stjórnvalda er tala látinna orðin 12, sem er hæsta tala látinna utan Kína. AFP

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt