„Hefðu getað bjargað mannslífum“
Setja bókamerki
Bandarísk stjórnvöld hefðu getað bjargað mannslífum með því að bregðast fyrr við útbreiðslu kórónuveirunnar í landinu. Þetta er mat Anthonys Faucis, forstöðumanns Ofnæmis- og smitsjúkdómastofnunar Bandaríkjanna.
„Ef við hefðum lokað öllu strax í upphafi hefðu hlutirnir getað farið öðruvísi,“ segir Fauci í viðtali á CNN. Hann viðurkennir þó að útfærsla slíkrar umfangsmikillar lokunar hefði verið flókin.
Yfir 530 þúsund tilfelli kórónuveirunnar hafa greinst í Bandaríkjunum og 21.418 hafa látið lífið, flestir í New York-ríki.
Bandarísk stjórnvöld kynntu aðgerðir sem byggjast á samskiptafjarlægð (e. social distancing) og hafa þær aðgerðir verið framlengdar út apríl.
Fauci segir að enginn geti neitað því að ef stjórnvöld hefðu gripið fyrr í taumana hefði mannslífum verið bjargað.
Vopnahlé sýnd veiði en ekki gefin
40 skjálftar í kvikuganginum
„Höfum verk að vinna en ég er bjartsýnn“
Bjarni: Of snemmt að ræða lagasetningu
Vinna hafin við gerð nýs varnargarðs
Áfram í haldi grunaður um manndráp
Bjóða fólki að færa sig um flug