Að minnsta kosti 650 þúsund eru látnir og 16,3 milljónir jarðarbúa hafa fengið það staðfest að hafa smitast af kórónuveirunni frá því að veiran greindist fyrst í kínversku borginni Wuhan undir lok síðasta árs. Kórónuveiran hefur greinst í 196 löndum og sjálfstjórnarsvæðum. Af þeim sem hafa smitast eru að minnsta kosti 9,2 milljónir búnar að ná bata. 

Tekið er fram í samantekt AFP-fréttastofunnar að í sumum löndum eru aðeins tekin sýni úr þeim sem eru alvarlega veikir af COVID-19. 

Í gær greindust 318.757 ný smit í heiminum og 3.914 létust. Flest dauðsföll voru á Indlandi, Brasilíu og Bandaríkjunum. Í Bandaríkjunum eru smitin 4.234.140 talsins og af þeim eru 146.935 látnir. 

Í Brasilíu eru 87.004 látnir og 2.419.091 staðfest smit. Í Bretlandi eru tæplega 46 þúsund af þeim tæplega 300 þúsund sem hafa greinst með veiruna látnir. Í Mexíkó eru tæplega 44 þúsund látnir af þeim 391 þúsund smituðu. Á Ítalíu eru dauðsföllin um 35 þúsund talsins en rúmlega 246 þúsund hafa greinst með staðfest smit. 

Í Evrópu eru dauðsföllin rúmlega 208 þúsund talsins en staðfest smit rúmlega þrjár milljónir.

Tengdar fréttir

Kórónuveiran Covid-19

Rétti barni sínu frekar sígarettur en iPad

• Eitt bóluefni verður í boði gegn covid-19 í vetur
• Varar við fleiri tilfellum í vetur
• Bóluefni hafi fækkað dauðsföllum
• Engin ein skýring á niðursveiflu

» Fleiri tengdar fréttir

• Blogga um frétt