„Stöndum frammi fyrir mjög alvarlegri þróun“
Setja bókamerki
Alþjóðaheilbrigðismálastofnunin (WHO) segir að mikil fjölgun kórónuveirusmita vítt og breitt um Evrópu eigi að vera mönnum þörf áminning um hve alvarlegt ástandið er.
Hans Kluge, framkvæmdastjóri Evrópuskrifstofu WHO, segir að undanfarnar tvær vikur hafi nýjum tilfellum farið ört fjölgandi í álfunni. Talan hafi í raun tvöfaldast í um helmingi ríkja Evrópusambandsins.
„Við stöndum frammi fyrir mjög alvarlegri þróun,“ sagði hann.
Alls hafa hátt í 30 milljón kórónuveirusmit greinst á heimsvísu að því er segir á vef BBC. Þá hafa alls 942.000 manns látist af völdum Covid-19 frá því veirunnar varð fyrst vart í Kína seint á síðasta ári.
Kluge, sem er staddur í Kaupmannahöfn, segir að 300.000 ný smit hafi verið tilkynnt í Evrópu í síðustu viku. Undanfarið hafi vikuleg tilfelli verið fleiri en þau voru í mars þegar faraldurinn var í hæstu hæðum.
„Þó að þessar tölur gefi til kynna að umfang skimana sé mun meira, þá sýna þær einnig hversu hratt smit eru að dreifast í álfunni, sem er sláandi,“ sagði hann við blaðamenn. Þetta eigi að vera öllum þörf áminning um það hversu alvarleg staðan sé enn.
Gerðu umfangsmiklar loftárásir á Líbanon
Finnar og Svíar taka ekki á móti særðum frá Gasa
Fékk menningarsjokk þegar hann flutti aftur heim
Komu saman á kyrrðar- og bænastund
Birtu ekki dóm yfir fyrrverandi forseta bæjarstjórnar
Þyrla Gæslunnar sinnti óvenjulegu verkefni