Hunter Biden, sonur Joe Biden verðandi forseta Bandaríkjanna, sætir nú rannsókn vegna mögulegra undanskota frá skatti. Þetta kom fram í dag í yfirlýsingu frá Hunter Biden sjálfum, sem send var út af framboðshópi Bidens eldri.
Í yfirlýsingunni segir Hunter Biden að hann hafi verið upplýstur um rannsókn á hendur sér í gær. Skrifstofa saksóknara í Delaware rannsakar málið.
Þá segist Hunter Biden taka málinu alvarlega en segist um leið viss um að fagleg og hlutlaus rannsókn muni leiða í ljós að ekkert ólöglegt sé að finna í sínu bókhaldi.