„Ef varaforseti okkar, Mike Pence, stendur sig munum við halda forsetaembættinu“. Á þessum orðum hefst færsla Donald Trumps, Bandaríkjaforseta, á Twitter og Facebook í morgun, en í dag er fyrirhuguð staðfesting öldungardeildar Bandaríkjaþings á niðurstöðum forsetakosninganna. 

Banda­ríska kjör­mannaráðið (e. Electoral Col­l­e­ge) kaus Biden form­lega 14. des­em­ber sl., en 306 kjör­menn greiddu Biden at­kvæði sitt gegn 232 sem greiddu Trump at­kvæði. Var það í sam­ræmi við úr­slit kosn­ing­anna. Lögum samkvæmt kem­ur það í hlut beggja deilda þings­ins að staðfesta kjör kjör­mannaráðsins. 

Frétt af mbl.is

Mun ávarpa mótmælendur

„Fölsk úrslit“

Fram til þessa hefur þetta talist formsatriði, en Bandaríkjaforseti vill nú breyta út af venjunni. Vonast hann til þess að varaforsetinn, Mike Pence, muni koma í veg fyrir staðfestingu úrslitanna. Segir Trump að Pence hafi valdið til þess. 

„Fjölmörg ríki vilja draga til baka úrslitin í sínum ríkjum þar úrslitin voru fölsk. Úrslitin voru ekki staðfest af löggjöfum ríkjanna, sem þau verða að vera. Mike getur sett úrslitin aftur í hendur ríkjanna,“ segir í færslu forsetans. 

Samkvæmt fréttamiðlum vestanhafs mun Pence ekki láta undan þrýstingi forsetans heldur muni hann þess í stað samþykkja úrslitin. Hefur hann látið forsetann vita af því að hann hafi ekkert vald til þess að breyta úrslitum kosninganna. 

Tengdar fréttir

Forsetakosningar í Bandaríkjunum 2020

Þyngsti dómurinn til þessa

• Enn einn „Stoltur Drengur“ dæmdur
• Biggs fékk 17 ára fangelsisdóm
• Repúblikanar gagnrýna Tucker Carlson
• Sakfelldir fyrir árásina á þinghúsið

» Fleiri tengdar fréttir

• Blogga um frétt