Hæstiréttur Bandaríkjanna hefur hafnað kröfu Donalds Trumps, fyrrverandi Bandaríkjaforseta, um að koma í veg fyrir að nefnd sem rannsakar árásina á þinghús landsins í byrjun síðasta árs fái tiltekin gögn.
Trump sagðist njóta forréttinda sem fyrrverandi forseti og því ættu gögnin ekki að fá að birtast.
Supreme Court rejects Trump’s request to withhold Jan. 6 materials from House committee investigating Capitol attack https://t.co/RWK2Yb1qHX
— The Washington Post (@washingtonpost) January 19, 2022
Trump, sem hefur verið sakaður um að hafa hvatt til árásarinnar á þinghúsið, vonaðist til að Hæstiréttur myndi vísa frá úrskurði áfrýjunardómstóls, sem hafnaði því að koma í veg fyrir birtingu skjalanna. Hæstiréttur samþykkti aftur á móti með átta atkvæðum gegn einu að staðfesta úrskurð áfrýjunardómstólsins.