Búið er að rýma meirihluta hæða í húsnæði Landsvirkjunnar við Háaleitisbraut vegna myglu sem fannst í húsnæðinu. Rýma þurfti sjöundu hæð í janúar en nú hafa fjórar hæðir bæst í hópinn.

Þriðja, fjórða, fimmta, sjötta og sjöunda hæð standa nú auðar. Meirihluti starfsmanna í byggingunni hefur þurft að færa sig í aðra aðstöðu.

„Við erum enn þá í hluta af húsæðinu,“ segir Ragnhildur Sverrisdóttir, upplýsingafulltrúi Landsvirkjunar. „Við erum enn í kjallara, jarðhæð, annari hæð og áttundu. Við erum með fjórar hæðir en rýmdum fimm.“

Aðeins fjórar hæðir eru í notkun hjá Landsvirkjun. Ljósmynd/Aðsend

Hluti farinn í Grósku og á Hafnartorg 

Rýma þurfti sjöundu hæð á svipstundu þegar mygla fannst þar og starfsfólk þurfti að færa sig í aðra aðstöðu. Nú er búið að færa hluta starfsmannahópsins í skrifstofurými í Grósku og á Hafnartorgi. „Svo er kannski hálft hundrað enn þá þarna á Háaleitisbrautinni.“

Frétt af mbl.is

Hátt í helmingur starfsfólks í annað hús vegna myglu

Ekki er víst hvort rýma þurfi hinar hæðirnar á næstu dögum. „Við hugsum um heilsufar starfsmanna fyrst og fremst og tökum svo stöðuna eftir það.“

Tengdar fréttir

Mygla í húsnæði

Fiskistofa lokar starfsstöð eftir að mygla fannst

• Kostnaður meiri en milljón á fermetra
• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“

» Fleiri tengdar fréttir

• Blogga um frétt