Lagaumhverfið mótsagnakennt
Setja bókamerki
Björn Leví, þingmaður Pírata, segir lagaumhverfið í kringum smásölu áfengis vera mótsagnakennt. Hagkaup hyggst hefja smásölu áfengis í næsta mánuði.
Forsvarsmenn ÁTVR segjast ósáttir við „óljósa“ lagaumhverfið í kringum netsölu áfengis. „Mér finnst þetta mótsagnakennt lagaumhverfi frekar,“ svarar Björn Leví spurður hvort honum finnist lagaumhverfið óskýrt.
Hann bendir á að íslenskt lagaumhverfi leyfi ekki smásölu áfengis það sé jafnframt brot á jafnræðisreglu EES að leyfa erlendum verslunum að selja á íslandi þegar íslenskum söluaðilum er það óheimilt.
Sumir smásalar áfengis hafa nýtt sér þá lagasmugu að stofna erlent fyrirtæki til að selja vín hér á landi. Til dæmis stofnaði eigandi Sante fyrirtækið í Frakklandi, þó svo að vörurnar séu allar seldar hérlendis.
Dómstóla myndu kveða söluna ólöglega
Kærur hafa borist á borð lögreglu en hafa síðan setið þar ósnertar um árabil. ÁTVR hefur áður farið fram með dómsmál í tengslum við netverslun áfengis en því var vísað frá, að sögn stofnunarinnar.
„Lögreglan segir okkur að hún hafi í rauninni ekki mannaflan til að sinna þessu. Ég held að málið tapist í rauninni á íslandi hvort svona vefsala sé leyfileg. Ég held að íslenskir dómstólar mundu alltaf segja: Nei, þetta er ekki leyfilegt,“ segir Björn Leví.
Aftur á móti myndi EFTA-dómstóll líklega kveða íslensk stjórnvöld brjóta á jafnræðislögum.
Willum Þór Þórsson heilbrigðisráðherra sagði við mbl.is í dag að loknum ríkistjórnarfundi að verja einkasölu ÁTVR vegna lýðheilsusjónarmiða. Björn Leví tekur vissulega undir það að einokun ríkisins í smásölu áfengis geti telist sem tól til að huga lýðheilsu, en þó sé hægt að fara aðrar leiðir.
„Höfum talað fyrir daufum eyrum“
„Lyktaði eins og öskubakki“
„Er til bóta en búið að þynna það allt of mikið“
Áætlar að tíu fyrirtæki hafi orðið fyrir verulegu tjóni
Myndir: Mikið vatn á gólfum Kringlunnar
„Þakklæti var þeim ofarlega í huga“
Ekki mikil hreyfing á hrauntungunni
Töluverður reykur og vatn inni í Kringlunni