Leit stendur enn yfir af manninum eða mönnunum sem hafa að und­an­förnu ógnað eða jafn­vel ráðist á börn í Hafnar­f­irði. Engin framvinda hefur orðið á málinu hjá lögreglu síðan fyrir helgi. 

„Við erum á svipuðum slóðum og fyrir helgi,“ segir Skúli Jóns­son, aðstoðar­yf­ir­lög­regluþjónn hjá lög­regl­unni á höfuðborg­ar­svæðinu, í samtali við mbl.is. 

Frétt af mbl.is

Leit heldur áfram: „Ekkert nýtt“

Ekki vitað um fleiri tilfelli

Að sögn Skúla hafa ekki borist fleiri tilkynningar vegna sambærilegra atvika síðan greint var frá því að fjögur atvik hefðu orðið í Hafnarfirði að undanförnu þar sem maður annað hvort ógnaði börnum eða réðist á þau. 

Þá segist hann ekki vita til þess að sambærileg mál hafi komið upp annars staðar á höfuðborgarsvæðinu að undanförnu. 

Frétt af mbl.is

Ráðist á 11 ára barn: Fjórða atvikið á skömmum tíma

Lögreglan með aukið eftirlit á svæðinu 

Sjö foreldrar barna í Víðistaðaskóla stóðu vaktina í morgun á helstu gönguleiðum umhverfis skólann til að gæta barna á leið í skólann. Skúli segist ánægður með þetta framtak foreldra og segir lögregluna jafnframt með aukið eftirlit. 

„Við erum bara að reyna að upplýsa þetta,“ segir hann og bætir við að lögreglan verði með aukna áherslu á gæslu á svæðinu næstu daga.  

Aðspurður segist hann ekki vita til þess að foreldrar barna í öðrum skólum í Hafnarfirði hafi staðið sambærilega vakt á göngustígum í morgun. 

Frétt af mbl.is

Foreldrar standa vaktina umhverfis skólann

Tengdar fréttir

Börn áreitt í Hafnarfirði

Fá daglega ábendingar frá fólki

• Handtekinn og yfirheyrður en síðan látinn laus
• „Verðum að treysta lögreglunni til að sinna sínu“
• „Hugsanlega eru þeir fleiri en einn“
• Fengið ýmsar vísbendingar en maðurinn enn ófundinn

» Fleiri tengdar fréttir

• Blogga um frétt