„Í mígandi rigningu og andlegri lægð þýðir stundum ekkert annað en að baka alvöru súkkulaðiköku. Mér finnst súkkulaðikaka ekki vera súkkulaðikaka nema að í henni sé alvöru súkkulaði hvort sem er í kökunni eða kreminu,“ segir meistari Tobba Marínós um þessa afurð sína sem hún kýs að kalla lúxús smáskúffu - hvað sem það nú þýðir. 

„Þetta er sum sé lúxús súkkulaði-smáskúffa sem gefur þurru skúffukökunum  með grjótharða þunna glassúrnum langt nef. Já æska mín er lituð af lélegum skúffukökum í barnaafmælum þar sem jarðaber í dós þóttu lostæti og kók hentugt handa börnum. En nú er öldin önnur og er þessi elska bæði dúnmjúk og djúsí!“ 

<section class="recipe-card">

<strong>Smá skúffa </strong>

<ul> <li><span>1 boll­ar hrá­syk­ur eða kókossykur</span></li> <li><span>1 bolli hveiti </span></li> <li><span>1/2  bolli ósætt kakó </span></li> <li><span>3/4 tsk lyfti­duft </span></li> <li><span>3/4 tsk mat­ar­sódi </span></li> <li><span>1/2 tsk salt </span></li> <li><span>1 egg </span></li> <li><span>1/2 bolli mjólk </span></li> <li><span>60 ml olía </span></li> <li><span>1 tsk vani­lu­drop­ar </span></li> <li><span>1/2 bolli soðið vatn</span></li> </ul>

<span>Aðferð:</span>

<ol> <li><span>For­hitið ofn­inn í 175 gráður. </span></li> <li><span>Smyrjið köku­mót í stærð 20x20 cm með smjöri eða olíu.</span></li> <li><span>Blandið saman sam­an sykri, hveiti, kakó, mat­ar­sóda, lyfti­dufti og salti. Hrærið þur­refn­un­um sam­an.</span></li> <li><span>Næst fara egg­in, mjólk, olí­an og vanill­an sam­an við. Hrærið þessu vel sam­an. Að lok­um fer vatnið sam­an við. Deigið verður nokkuð þunnt.</span></li> <li><span>Hellið deig­inu í formið og bakið 30 mín­út­ur. Gott er að nota prjón eða tann­stöng­ul til að stinga í kökuna. Hún er til­bú­in þegar prjón­inn kem­ur deig­laus út.</span></li> <li><span>Kælið kök­una í 10 mín­út­ur áður en gúmmelaðið er fjar­lægð úr mót­inu. Látið dúlluna kólna al­veg áður en kremið er sett á.</span></li> </ol>

<b>Súkkulaðikrem </b>

<ul> <li><span>100 g 70 % súkkulaði</span></li> <li><span>1 bolli smjör við stofuhita </span></li> <li><span>2 msk rjómaostur (má sleppa)</span></li> <li><span>1/2 tsk salt </span></li> <li><span>3 msk hreint kakó </span></li> <li><span>2 bollar flórsykur - meira ef þú vilt þykkara krem </span></li> <li><span>1 msk espresso (má sleppa)</span></li> </ul>

<span>Aðferð:</span>

<ol> <li><span>Bræðið súkkulaðið yfir vatnsbaði.</span></li> <li><span>Hrærið smjör og rjómaost saman uns kekkjalaust. </span></li> <li><span>Setjið öll hin innihaldsefnin saman við og hrærið vel. </span></li> <li><span>Bætið við flórsykri ef kremið er ekki nægilega þykkt. </span></li> <li><span>Smyrjið á kökuna og njótið ásamt ískaldri mjólk.</span></li> </ol></section>