Það er ekki bara hægt að finna einbýlishús í ódýrari kantinum í Reykjavík þar sem nóg er framboðið af dýrum og flottum einbýlishúsum í Reykjavík og nágrenni. Einbýlishús sem kosta yfir 160 milljónir í dag eru ný og gömul, allt frá Seltjarnarnesi til Kópavogs.
Smartland tók saman dýrustu einbýlishúsin. Um sum þeirra hefur áður verið fjallað á Smartlandi. Það hús sem er dýrast er einbýlishús við Kvisthaga en verðmiðinn er 239 milljónir.
Þernunes - 160 milljónir
Við Þernunes 1 á Arnarnesi stendur afar veglegt 391,6 fermetra stórt hús. Húsið fór á sölu í fyrra en ásett verð er enn 160 milljónir.
Túngata - 165 milljónir
Við Túngötu 38 í miðbæ Reykjavíkur stendur glæsilegt hús sem byggt var árið 1930. Í húsinu eru rósettur og upprunalegar innihurðir, stíflakkaðir gluggar og allt það sem gerir heimili hlýlegt og heimilislegt.
Aflakór- 168 milljónir
Við Aflakór 12 í Kópavogi stendur hús sem var byggt árið 2008 og er 395,8 fermetrar. Þrátt fyrir stærðina eru aðeins þrjú svefnherbergi en plássið er þó nóg og í dag er þar meðal annars 40 fermetra tómstundaherbergi.
Bollagarðar - 185 milljónir
Við Bollagarða 2 á Seltjarnarnesi stendur fallega endurnýjað einbýlishús. Allar innréttingarnar eru sérsmíðaðar en ásett verð er 185 milljónir.
Dýjagata - 195 milljónir
Við Dýjagötu 16 í Garðabæ stendur eitt glæsilegasta hús landsins. Ásett verð er 195 milljónir en í fyrra fór húsið á sölu og var ásett verð 247 milljónir. Íbúðir eru í kjallaranum og húsinu fylgir lóð og byggingarréttur.
Bjarkargata - 210 milljónir
Við Bjarkargötu 6 í Reykjavík er á sölu töluvert endurnýjað fallegt steinhús frá árinu 1933. Húsið kemur ekki ókeypis en ásett verð er 210 milljónir.
Kvisthagi - 239 milljónir
Við Kvisthaga 12 í Vesturbæ Reykjavíkur stendur afar glæsilegt hús með sundlaug í kjallaranum. Ásett verð er 239 milljónir.