Kærustuparið Ásgeir Jónsson seðlabankastjóri og Helga Viðarsdóttir framkvæmdastjóri létu sig ekki vanta þegar Betra bak fagnaði því að vera farið að selja rúm frá Hästens. 

Um er að ræða hágæðarúm sem þekkjast langar leiðir á bláköflóttu dýnunum. Rúmin eru einstök á margan hátt og hefur Smartland heimildir fyrir því að í Betra baki sé hægt að fá allt að fjögurra metra breið Hästens-rúm sem ætti að vera himnasending fyrir foreldra sem glíma við það vandamál að börnin komi alltaf upp í á nóttunni. Með þessu ofur-stóra rúmi ætti öll fjölskyldan að fá sinn mátulega nætursvefn og eiga ekki á hættu að vakna með fót barns í andlitinu. 

Eins og sést á myndunum var margt um manninn og fleiri en Ásgeir Jónsson og Helga Viðardóttir sem hafa áhuga á að sofa vel.