Kynlíf á að vera til þess að njóta. Þrátt fyrir það eru það ákveðin atriði sem gera það að verkum að konur og menn njóta þess ekki að fullu eins og kom fram í könnun sem greint er frá á vef Health. 

Það algengasta sem konur hata við kynlíf er þegar þær eru ofurmeðvitaðar um sjálfa sig á meðan leik stendur. Þrjátíu prósent kvenna gáfu þetta svar. Karlmenn virðast ekki vera jafnóöruggir og komst þetta svar ekki einu sinni á lista hjá þeim. Það algengasta sem menn hata við kynlíf er þegar það er búið of snemma. Þrjátíu og fjögur prósent karlmanna gáfu það svar. 

Það er ekki þar með sagt að konur vilji bara klára kynlífið en 29 prósent kvenna sögðust ekki þola þegar kynlífið klárast of snemma. Konur voru ekki sáttar með að fá ekki fullnægingu eða 28 prósent, 27 prósent þoldu ekki að vera truflaðar og 24 prósent kvörtuðu yfir að forleikurinn væri of stuttur. 

Þrjátíu prósent karla þoldu ekki að geta ekki fullnægt maka sínum, 28 prósent fannst óþolandi að vera truflaðir og aðeins 21 prósent sögðust ekki þola að fá ekki fullnægingu. 

mbl.is/Thinkstockphotos

Tengdar fréttir

Svefnherbergið

Kynlífsvandamálið sem konur vilja ekki viðurkenna

• Á að fyrirgefa framhjáhald?
• 5 ástæður fyrir því að eiginmaðurinn vill ekki stunda kynlíf
• Stundar fallegt fólk betra kynlíf?
• Kynlífsstellingar sem auka unaðinn á Konudaginn

» Fleiri tengdar fréttir

• Blogga um frétt