Nú fylgjast margir með aðdraganda forsetakosninganna í Bandaríkjunum. Framganga Donald Trump er á köflum óhugnanleg og hefur hann lýst yfir óbeit á hinum og þessum. Innflytjendur hefur hann kallað „nauðgunarglæpamenn“ og „morðingja“ og það er vægt til orða tekið að hann sé ekki hrifinn af kommúnistum. Í ljósi þessa er áhugavert að skoða bakgrunn núverandi eiginkonu Trump, Melania Trump.
Hin 45 ára Melania Trump ólst upp hjá pabba sínum sem á þeim tíma var meðlimur kommúnistaflokksins í þáverandi Júgóslavíu. 34 ára gömul giftist hún 69 ára gömlum miljarðamæringi og fékk skömmu síðar bandarískan ríkisborgararétt. Melania Trump er því bæði innflytjandi í Bandaríkjunum og dóttir kommúnista. Aðspurð um samband sitt og herra Trump segist hún ferlega hrifin af útliti hans og heila. Þá er hún búin að ákveða að verði hún forsetafrú Bandaríkjanna muni hún verða „hefðbundin“ forsetafrú í anda Laura Bush og Jackie Kennedy.