Formúla sem klikkar ekki fyrir verðandi konung og drottningu

Vilhjálmur Prins og Katrín hertogaynja af Cambridge.
Vilhjálmur Prins og Katrín hertogaynja af Cambridge. AFP

„Katrín og Vilhjálmur, hertogahjónin af Cambridge, hafa undanfarna daga verið í konunglegri heimsókn í Pakistan. Pakistan er eitt af þeim löndum sem eru hluti af Breska samveldinu og mikilvægt að rækta sambandið milli ríkjanna með konunglegum heimsóknum. Heimsóknin hefur verið frekar óhefðbundin en lítið hefur verið gefið upp um dagskrá hertogahjónanna fyrir fram af öryggisástæðum. Ein heimsóknin var í krikketskóla í borginni Lahore og tóku hertogahjónin þar einn leik. Af myndunum að dæma skemmtu hjónin sér konunglega, og er svona heimsókn klassísk fyrir hertogahjónin og klikkar seint,“ segir Guðný Ósk Laxdal í sínum nýjasta pistil á Smartlandi:

View this post on Instagram

At the National Cricket Academy in Lahore @TheRealPCB, The Duke and Duchess of Cambridge joined a match 🏏 with children participating in the British Council’s DOSTI programme. The DOSTI programme (Dosti means friendship in Urdu) promotes sport as an integral part of child development, and encourages social integration, increased self-esteem, and the development of important life skills in children. The Duke and Duchess joined the children, and some Pakistani cricketing legends, and some stars of the future, including @ishaheenafridi10 for a special game of cricket today…📷 PA / Kensington Palace @britishcouncil #RoyalVisitPakistan #pakistan

A post shared by Kensington Palace (@kensingtonroyal) on Oct 17, 2019 at 9:06am PDT



Það er skemmtilegt að segja frá því að í næstum hverri konunglegri ferð sem Vilhjálmur og Katrín fara í erlendis er einhvers konar íþróttaheimsókn þar sem þau bregða á leik. Þau eru bæði mikið fyrir íþróttir og full af keppnisskapi. Þau njóta sín mikið í íþróttum og í þessum heimsóknum má sjá hvernig formlegheitin í kringum þau verða aðeins minni.

Í raun má segja að íþróttaheimsókn fyrir Vilhjálm og Katrínu sé formúla sem klikkar ekki. Myndirnar eru alltaf skemmtilegar en oft er mikið um góða og skrítna svipi. Það sést að þau eru afslappaðari og eru að skemmta sér. Fólk sér þau sem venjulegt fólk og tengir þar af leiðandi meira við þau. Eins og ég segi, formúla sem klikkar ekki fyrir verðandi konung og drottningu.

Fleiri eftirminnilegar íþróttaheimsóknir eru t.d. hokkí-heimsókn í Kanada árið 2011. Það var fyrsta konunglega ferðin þeirra eftir að þau giftu sig og urðu hertogahjónin af Cambridge. Árið 2012 heimsóttu þau líka meðal annars Tuvalu og tóku þar nokkur spor með innfæddum. Árið 2014 fóru þau í heimsókn til Nýja-Sjálands og spiluðu þar einmitt líka krikket, en þá spilaði hertogaynjan á hælum!


Sama ár heimsóttu þau Frakkland þar sem þau horfðu á ruðningsleik og fyrir leikinn kíktu þau á krakka sem æfa íþróttina og tóku smá þátt.


Árið 2014 fóru þau í stutta heimsókn til Bandaríkjanna og horfðu á körfuboltaleik, en sú heimsókn var líka eftirminnileg en það var þá sem hertogahjónin hittu Beyoncé og Jay-Z. Árið 2016 heimsóttu þau Indland og Bútan og léku krikket, prófuðu smá fótbolta og í Bútan prófuðu þau einnig bogfimi. Allt tilefni sem hafa verið mjög eftirminnileg og skemmtileg.

AFP
AFP
AFP
AFP
mbl.is