Helstu stjörnur Hollywood klæddu sig í sitt allra fínasta púss fyrir Óskarsverðlaunahátíðina í ár. Leikkonan Jessica Chastain glitraði eins og pastellituð stjarna í gullfallegum pallíettu kjól frá Gucci á meðan leikkonan Zendaya sýndi magavöðvana í glitrandi pilsi og hvítum topp frá Valentino. 

Leikkonan Ariana DeBose, sem vann verðlaun í flokki leikkonu í aukahlutverki fyrir kvikmyndina West Side Story, kom á óvart í sérhönnuðum buxum og topp frá Valentino og var einnig með skikkju. Smartland tók saman bestklæddu stjörnur hátíðarinnar.