KA og Fjölnir mættust á Akureyrarvelli í mikilvægum leik í Pepsi-deild karla í fótbolta sem lauk nú í þessu. Heimamenn fóru með 2:0 sigur af hólmi.
Heimamenn byrjuðu leikinn betur en gestirnir úr Grafarvogi og náðu forystu strax á 15. mínútu þegar Daníel Hafsteinsson skoraði með fínum skalla eftir hornspyrnu Hallgríms Steingrímssonar.
KA-menn náðu síðan að tvöfalda forskot sitt eftir skyndisókn. Martinez með langa sendingu á Ásgeir sem lenti í kapphlaupi við Bergsvein. Bergsveinn gerði mistök sem urðu til þess að Ásgeir náði boltanum og skoraði. Staðan 2:0 í hálfleik.
Seinni hálfleikur var öllu rólegri og ekki mikið um færi. Fjölnismenn fengu einhver hálffæri en Martinez var öruggur í marki heimamanna. 2:0 sigur KA-manna staðreynd og fögnuðurinn mikill í leikslok enda um gríðarlega mikilvægan sigur að ræða.
KA-menn fara með sigrinum upp fyrir Fjölnismenn, KA-menn eru nú með 12 stig eins og Fjölnir sem eru þó með lakari markatölu.