Knattspyrnudeild Aftureldingar hefur komist að samkomulagi um starfslok við brasilíska varnarmanninn Romario Leiria sem kom til félagsins í vor og lék með liðinu í 1. deild karla.
Romario hefur misst mikið úr vegna meiðsla og er nú farinn heim til Brasilíu en þetta kemur fram á twitter-síðu Aftureldingar.
Romario, sem er 27 ára gamall, lék fjóra leiki fyrir Aftureldingu sem er næstneðst í 1. deildinni.
Í stað hans er spænskur leikmaður kominn til félagsins, 24 ára varnarmaður, Roger Bonet að nafni. Hann hefur leikið í heimalandinu til þessa, síðast með Formentera í D-deildinni.
Afturelding hefur samið við spænska varnarmanninn @Ruxiiii4 um að leika með liðinu út tímabilið. Ruxi er 24 ára gamall. Við bjóðum hann hjartanlega velkominn til félagsins! pic.twitter.com/TxrWgzoer4
— Afturelding (@umfafturelding) July 14, 2019
Afturelding hefur komist að samkomulagi við brasilíska varnarmanninn @R_Leiria um starfslok. Romario var mikið frá vegna meiðsla og er nú farinn heim til Brasilíu. Félagið þakkar samstarfið og óskar honum góðs gengis í framtíðinni. Gracias Romario! pic.twitter.com/RkJdnXnz1k
— Afturelding (@umfafturelding) July 14, 2019