Hinn 21 árs gamli Mikael Anderson er í 23 manna landsliðshópnum í fótbolta sem Erik Hamrén hefur valið fyrir síðustu tvo leikina í undankeppni EM, gegn Tyrklandi og Moldóvu 14. og 17. nóvember.
Emil Hallfreðsson, sem verið hefur án félags síðan í sumar, missir sæti sitt í hópnum, sem og Birkir Már Sævarsson sem var í hópnum gegn Frakklandi og Andorra.
Jóhann Berg Guðmundsson og Aron Einar Gunnarsson eru ekki í hópnum vegna meiðsla en Rúnar Már Sigurjónsson, sem líkt og Jóhann meiddist í landsleik gegn Frökkum í síðasta mánuði, er í hópnum. Aron Elís Þrándarson, sem kom inn í hópinn á milli leikjanna við Frakkland og Andorra, heldur sæti sínu.
Fyrrnefndur Mikael hefur þótt leika vel með U21-landsliði Íslands og á að baki 13 leiki fyrir það lið, auk vináttulandsleiks gegn Indónesíu fyrir A-landsliðið fyrir tæpum tveimur árum. Hann hefur skorað tvö mörk í síðustu þremur leikjum með Midtjylland í dönsku úrvalsdeildinni.
Hörður Björgvin Magnússon er með á ný eftir meiðsli. Rúnar Alex Rúnarsson snýr svo aftur í hópinn í stað Ingvars Jónssonar eftir að hafa þurft að draga sig út úr hópnum í síðasta mánuði þegar hann varð pabbi.
Landsliðshópurinn:
Markmenn:
65/0 Hannes Þór Halldórsson | Valur
15/0 Ögmundur Kristinsson | Larissa
5/0 Rúnar Alex Rúnarsson | Dijon
Varnarmenn:
92/5 Ragnar Sigurðsson | Rostov
80/6 Kári Árnason | Víkingur Reykjavík
70/1 Ari Freyr Skúlason | Oostende
28/3 Sverrir Ingi Ingason | PAOK
26/2 Hörður Björgvin Magnússon | CSKA Moskva
16/1 Jón Guðni Fjóluson | Krasnodar
14/1 Hjörtur Hermannsson | Brøndby
13/0 Guðlaugur Victor Pálsson | Darmstadt
Miðjumenn:
82/12 Birkir Bjarnason | Al Arabi
72/21 Gylfi Þór Sigurðsson | Everton
32/5 Arnór Ingvi Traustason | Malmö
25/1 Rúnar Már Sigurjónsson | Astana
7/0 Samúel Kári Friðjónsson | Viking
6/1 Arnór Sigurðsson | CSKA Moskva
4/0 Aron Elís Þrándarson | Aalesund
1/0 Mikael Anderson | Midtjylland
Sóknarmenn:
56/15 Alfreð Finnbogason | Augsburg
54/26 Kolbeinn Sigþórsson | AIK
46/3 Jón Daði Böðvarsson | Millwall
23/3 Viðar Örn Kjartansson | Rubin Kazan