Knattspyrnumaðurinn Anton Logi Lúðvíksson hefur verið lánaður til SPAL á Ítalíu frá Breiðabliki. Mun hann leika með unglingaliði félagsins, en SPAL leikur í ítölsku A-deildinni.
Anton er 16 ára gamall og hefur leikið með yngri landsliðum Íslands. Hefur hann æft og spilað með meistaraflokki Breiðabliks að undanförnu og er gríðarlega efnilegur.
Anton lagði m.a upp tvö mörk fyrir Breiðablik gegn HK í Fótbolta.net-mótinu á dögunum.