Dúkurinn á leiðinni til landsins

Dúkurinn sem mun eiga stóran þátt í að Laugardalsvöllur verði leikfær þegar Ísland og Rúmenía mætast í umspili um sæti á lokamóti EM karla í fótbolta í næsta mánuði er á leiðinni til landsins. 

Um er að ræða hitatjald sem blásið verður upp til að hlífa vellinum fyrir íslenska vetrinum og blása heitu lofti á grasið. Knattspyrnusamband Íslands hefur áður leigt sama dúk, en hann var á vellinum fyrir leik Íslands og Króatíu fyrir umspil HM 2014. 

Leikur Rúmeníu og Íslands verður spilaður 26. mars og mætir sigurliðið annað hvort Ungverjalandi eða Búlgaríu ytra í hreinum úrslitaleik um sæti í lokakeppninni. 

Kostnaðurinn við að undirbúa Laugardalsvöllinn fyrir leikinn er um 70 milljónir króna. 

Hitatjaldið lagði af stað til Íslands í gær.

Rétt rúmar fjórar vikur í leikdag!#fyririsland https://t.co/2dL6jxr1C4

— Knattspyrnusambandið (@footballiceland) February 26, 2020

• Blogga um frétt