Haukar héldu toppbaráttunni lifandi

Haukar héldu toppbaráttunni í Lengjudeild kvenna í fótbolta, 1. deild, lifandi með 3:0-sigri á botnliði Völsungs á heimavelli í dag. 

Hildur Karítas Gunnarsdóttir kom Haukum yfir á 11. mínútu og þremur mínútum síðar skoraði Vienna Behnke annað mark Hauka. Var staðan 2:0 fram að 65. mínútu er Behnke skoraði sitt annað mark og þar við sat. 

Haukar eiga enn möguleika á að fara upp í efstu deild en liðið er fjórum stigum frá Keflavík í öðru sæti þegar fjórar umferðir eru eftir. 

Staðan: 

1. Tindastóll 37
2. Keflavík 33
3. Haukar 29
4. Afturelding 21
5. Grótta 19
6. Augnablik 18
7. Víkingur R. 15
8. ÍA 12
9. Fjölnir 7
10. Völsungur 3

• Blogga um frétt